Wednesday, March 22, 2006

مبروك يا عريس

يا أخوانا ايه ده مالكومشي حق
غاويين مناهدة بين آه و لأ
الواد خطب شّرف وطب
موضوعه كله مش مستحق

يا أخوانا ايه ده مالكومشي حق

يمكن يكون ده ف مصلحتنا
الجو ياخده ينسى حكايتنا
ينس الرياسة لجنة سياسة
تاخده الحساسة ويعيش في شق

يا أخوانا ايه ده مالكومشي حق

مبروك عليه يفرح بقى
بعد اللي شافه غلب وشقى
وظروفه ربكة جاب حق شبكة
وبالمشاركة زاقينه زق

يا أخوانا ايه ده مالكومشي حق

عقبال ما يفرح ويجيب عيال
ويسمي مودي سوزي وجمال
والجد يفرح يقعد يرحرح
ما يهمهوش لو شعبه طق

يا أخوانا ايه ده مالكوشي حق


اسكندراني 22 مارس 2006

2 comments:

ahmed said...

بارك الله فيك كلام جميل جدا
www.starmisr.blogspot.com

Unknown said...

الله ينور
http://egyptrevolution-2011.blogspot.com/
http://egypt-style-news.blogspot.com/