Follow by Email

Tuesday, October 18, 2011

خواطر

رأيتها وقد كنت اتفادى اللقاء وأبحث عن ما يشغلني عنها فرغم كل هذه السنين وشوقي الذي احتار في وفي اصراري على أن أخفي معالمها...رأيتها رغماً عن أنفي وأنف اصراري ومكري ودهائي...وعندها قررت ولأول مرة أتخلى فيها عن قوتي..قررت أن اترك لها العنان وأتركني دون اتزان ويا روعة الاحساس هذا...ويا روعة سحر المكان....
لا اذكر كيف البداية ولا معي اصل الرواية..كل ما اذكره اني كنت ملك كل الحكايا ....ها هو ذا أول لقاء وهذه بعض الشقاء وتلك فيها كنت أحبو وعندها عرفت البكاء.....وهذه كم ذوبت عشقاً في عيون قلبي هواها واتخذها للحب درباً لم يكن يرجو سواها....وهذه قدر تحكم وهذه حزن وآاهة.....هذا ما كنت اخشاه أن اترك نفسي لها وبعدها لا اجد غير اني أخبأها مرة ثانية وأحاول ان اعيش بعيداً عنها...............
اتدرون من كنت اتحدث عنها........ذكريات في صور..............من خواطر اسكندراني

Tuesday, October 04, 2011

خواطر

ماعنديش اي فكرة
عن ايه مخبي وجاي بكرة
ماعنديش اي فكرة
غير اني مش ح أسمح أكون في عنيكي ذكرى
بلاش نضيع عمرنا في هجر وعذاب
مش باقي شيئ من عمرنا بعد الغياب
ما اعرفش ايه حتى الجواب
ماعنديش اي فكرة

Tuesday, September 27, 2011

خواطر

أما الهوا ده عليه حاجات
يا اما ياخدك للسما.. لايطب مات
ما فيش وسط .. طب ذنبه ايه اللي اتخبط
مش برضه كانوا يحذروه ... ويفطموه
ويجيبوا من حكاوي اللي ابتتلوا ويفهموه
صحيح يا ناس اتقال كتير امثال
كان ايه  رماك ع المر...قال.. يلعن ابوه !!


Sunday, September 25, 2011

خواطر

ماكنتش أعرف اني لما أحب أفرح ...ح أفرح بجد
وان السكينة والرضا ساعة القضا دول بس فرض
وان ممكن أبقى مش طايل شطوطي ووسط موتي ييجي مد
أو يوم ما يبقى عندي رغبة في الكلام الاقي حد..
يسمعه يقوم عيوني يدمعوا
وقلبي يرجف موضعه
ساعتها بس ح أقول يا ناس ان السعادة بتتولد
وان الحياة عايزة المهاودة...مش عايزة صد
 يوليو 2011

Friday, September 02, 2011

الى أمي

من يوم ما بعدت عنك شعري ما تلمس مرة
برغم اني كتير محتاج لايدك تلمسه مرة
ورغم ان كتير حاولوا بكل الود والاحساس
برغم ان الحنان واصل مابين قلبي وكل الناس
ح تفضل لمستك لية تطمني في طول بعدي
لحد ما جييلك وساعتها ح أنام على حجرك 100 مرة

الى أبويا

وافتكرت زمان لما كنت بادلع على أبويا وأنا صغير
يجيلي مزاج أعوز ألعب أقولوا يا بويا أنا نازل
ولاجل أعكشلي كام لحلووح أزن وأفضل أترازل
ويديني ما يعجبنيش ورغم رزالتي يديني فاروح نازل
ولا عمره في شئ قصر برغم ان الزمن له موج يهد شطوط ولا اتأثر
فببعتله سلام مكسوف وورد ألوف وأقوله سامحني ع النسيان ...أنا مقصر

Wednesday, August 31, 2011

ضد الوقيعة بين عنصري الوطن

video

يا ايد الخيانة يا عقل الدمار
يا مش مصري أصلاً وطبعاً حمار
يا دون أي ملة يا مولود بعلة
يا ترجع يا الا اطخك عيار
*****
ما فيش حد قال لك ده شئ مستحيل
توقع مابينا .. تولع فتيل
وتعملها فتنة ..تفوت جوة بيتنا
ده كان غيرك اشطر يا أحمر حمار
*****
ماحدش قرا لك تاريخنا اللي فات
ما قالش في سبيلها كام مصري مات
لا فرقت ديانة ولا مين كان معانا
عاش الكل يحلم بيوم الانتصار
*****
أرواح ولادنا والمجروحين
بيزيدوا فينا اصرار ووعد
ح نرد حق الطاق طاقين
تقوى الايدين نفضل لبعض
ولو بعد حين ورغم الأنين
بينا وبينهم فرقة وتار

Sunday, August 21, 2011

رسالة الى الصهاينة...







تراجعوا... تراجعوا فالشعب خرج بأجمعه
لا يخشى ان حرق العلم لم يبقى قمع يمنعه
فتحسَبوا... وتهيأوا.... ما عاد شيئٍ يشفعُ
قد جاء يوم تكرهونه يا أهل صهيون فأسمعوا

هذا هتاف شعبها وصلاة حزنٍ تُرفعُ
على شهيد لن تجد في الارض منه أشجع
بالدم عطر رمله قد حلف أن لا يرجع
فلا عزاء ولا بكاء فالثأر وحده يشبع

سقط القناع وزلزلت أرض بجيش يسرعُ
آت اليكم ليس بداً من أن تهابوا وتجْزَعوا
آت وفي ايديه سيف للقلب حتما ينزِعُ
فاليوم ثأر عن سنيينٍ طالت وثمنٍ يُدفعُ

يا أمةً عربيةً..... حان الميعاد فجمِعوا
كل الأيادي فكلما ضمت يخافوا ويفجعوا
فلطالما دعموا الشقاق ووتفننوا وتصنعوا
فالأمس صمت وانكسار واليوم حق يُرجع
اسكندراني 21 أغسطس 2011


Tuesday, July 12, 2011

سأظل أعيش

سأظل أعيش ما دمت بقلبك تذكرني
ستظل البسمة في شفتاك تذكرني
بعيون تبعث في الشوق
بحنان يرمي الي بطوق
ينقذني من أهوال فراق
كادت ساعاته تقتلني
سأظل أعيش ما دمت بقلبك تذكرني

سأظل أعيش وفي قلبي بعض حكايات
عن عشق بين نسيم صباح وليل آهات
عن ضحك يملئ أرجاء كل الحجرات
عن قطع نقود وبعض ورود
مازال عبيرها يغمرني
سأظل أعيش ما دمت بقلبك تذكرني

ستظل عيونك ترشدني نحو الشطئان
تحرسني من موج عالي الى بر أمان
سيظل المرسى هو قلبك
وعيونك قمرلا تدرك
أني من دونك لا أملك أمل لحياتي يقربني
سأظل أعيش ما دمت بقلبك تذكرني

سيظل مكانك في قلبي يحمل اسمك
لا يجرأ أحد أن يعبث أو يختصمك
أنت الأول رغم الأقدار
مالك عرشك رغم الثوار
وأنا شعب حر يختار لاأرض بغيرك يحكمني
سأظل أعيش ما دمت بقلبك تذكرني

Wednesday, February 16, 2011

ثورة 25 يناير

ثورة
( فبراير 2011)
ثورة ثورة حتى النصر
ثورة في كل شوارع مصر
ثورة نضيفة ثورة شريفة
مالهاش دعوة بحرق وكسر
ثورة ثورة حتى النصر

ثورة بدأها شباب الورد
نبض الأمة وطين الأرض
جوة قلوبهم حلم بلدهم
جوة عيونهم صورة مصر
ثورة ثورة حتى النصر

ثورة وحلفوا يمين الله
مش طالبين ولا مال ولا جاه
حلم حياتهم يملى بيوتهم
عدل وخير وكرامة وطهر
ثورة ثورة حتى النصر

ثورة ودم الشهدا علمها
مصر ناديتهم سمعوا كلامها
وهبوا حياتهم رفعوا رياتهم
موتهم زلزل كل القصر
ثورة ثورة حتى النصر

قصيدة بدأت كتابتها قبل أكثر من شهرين من ثورة 25 يناير وأنتهيت منها أثناءها

قلة أدب
قلة أدب .. هيصة وشغب
وعيال بتهتف ف الشوارع م الغضب
وناس كتير مش فاهمة ايه حتى السبب
واحد بيضحك م الهموم
واحد بيبكي ومكتئب
وأنا حيرتي فاقت كل دول
ما أنا أصلي عارف نفسي مش ح أسكت ح أقول
ح يجرى ايه ...ح ييجي أكتر من ده ايه
حتى اللي كان معدول في يوم فجأة اتقلب
قلة أدب... قلة أدب
يا ناس وظيفة بقرش صاغ لله
شريطين دوا ومية زي الناس
أربع حيطان... ده اللي ب أترجاه
ولا الفقير... ف البلد ينداس
سيبونا نحلم حلمنا ببلاش
مستكتريين علينا ليه الحلم
ما كتير حلمنا بحلمنا ولا جاش
وكتير رضينا بالقليل والهم
سيبونا نهتف... جايز نموت م التعب
قلة أدب... قلة أدب
ما عادش فيه برقع حيا ولا في خشى
الهبش على عينك وع المفضوح
وكروش على الدنيا مكوشة
من ملوها النتانة تفوح
باعوا الضمير باعوا المصير والأرض
باعو المثل باعو الشرف والعرض
والخوف زحف والصمت أصبح فرض
لا حد قال مش كده
ولاحد حتى عتب
قلة أدب... قلة أدب
شفافية قال... وأنا يعني كنت ب أشوف
مخلوق ضعييف عايش وبأتمنى
أحلام كلام ومزوقينها حروف
يا أصدق غصب عني يا استنى
زهقنا م الوعود والكذب
حبة لصوص أنشأوا لهم حزب
مفروض علينا من زمان بالغصب
الاسم وطني وهو يالا العجب
قلة أدب... قلة أدب