Follow by Email

Saturday, May 28, 2005

قصيدة قرد وأسد

القرد قرد لو له بلــــــــــــد
مهما انجـــعص ولا انفــرد
ح يعيش جبان جوة الببان
ويموت وعقــــــــدته الاسد

ماهو اصله قرد ومش أسد

الموز أساس لمـــــــــــبدأه
يندغ وقـشـــــره يفــــرقه
ياكل كتير ويعيش أمــــير
وكأنه عـايش للأبــــــــــد

مع انه قرد ومش أسد

قالوا زمان عليه حكــــــــيم
عالم ويفتي ف الصمــــــيم
ويقول كلام عنتر همـــــــام
صادر بمرسوم معتـــــــــمد

ماهو اصله قرد ومش أسد


اصل الحقــــــيقة المزهلة
انه اتربــــط في السلسلة
مالهوش خيار في الاختيار
مزلول بـــيستنى المـــــــدد

ماهو اصله قرد ومش أسد


ملعون ابوه من انهي ملة
ومنين جابوه ابن الغوريلا
ما سألنا حد غير قال ورد
ايش جاب لجاب قرد وأسد

عايزيين أسد.. عايزيين أسد

2 comments:

sydalany-وش مكرمش said...

ضعيفة جدا
مثلا
عنتر همـــــــام
همام مالهاش أي لازمة و كانت بايخة جدا

قال ورد
فاهم أكيد حقول إيه

ملحوظة
الشعر الحلو مش شرط فيه النهايات المتشابهة

KING TOOOT said...

يعنى القرود ذنبها أيه بقى ؟؟؟؟
KING TOOOT
kingtooot.blogspot.com