يا مصر
أما يا مصر صحيح غلبانة
يوم تتعشي وعشرة جعانة
وبتتغطي بناس بتوطّي
لما غرقتي في بحر خيانة
أما يا مصر صحيح غلبانة
أما يامصر عليكي حكومة .. غش ف غش
بتبدل في اليوم الواحد .. مليون وش
وبتستعبد ...شعبك تجلد
قهر وذل وخوف واهانة
أما يا مصر صحيح غلبانة
أما يا مصر عليكي رئيس.. مش متأخر
ان يسيب في كلابه تهيص ..وهو يشخر
لما الخير في ايديكي اتبخر
راح امريكا خدله اعانة
أما يا مصر صحيح غلبانة
لسه يا مصروشعبك ساكت...كاتم غلبه
امتى يا مصر ح يفهم ان بحقه يطالبه
خايف لاحسن نومه يغالبه
يصحى يلاقي الناس عريانة
اصحي يا مصر الناس نيمانة
أسكندراني سبتمبر 2005
Follow by Email
11 comments:
أيه ده كله
جامده جامده بشده
أهنيك عليها ,, ممتازة و معانيها مباشرة ولكن المباشرة اللذيذة و الوضوح الذكى
ممتازة و اهنيك عليها مره تانية
KING TOOOT
كينج توت
من بعض ما عندكم يا افندم ....... شوف أنا مشكلتي اني اللي ب أحسّه ما اعرفش أقوله الا في شعر زي ده عشان كده انا قليل الانتاج بس تشجيع الناس ليا بيخلليني مولع وعايز اكتب واكتب واكتب ..........عموماً مشكور وعلى فكرة أنا قرييت اللي انت كاتبه وحقيقي هايل بالذات فى ذكرى رحيل الزعيم الخالد وكمان خائبون. وفي انتظار الجديد
السلام عليكم يا جماعه دى اول مشركه ليه فى blogger واول حاجه قرتها هى القصيده بتعتك حقيقى بتعرب عن مشاعر كل مصرى حاسس ان بلدوه بتتسرق شكرا يا غالى على القصيده ويارب يكون فى المزيد اخوك المعجبانى
لقد وقعت عينى على البلوج بتاعتك وقرأت اغلب ما بها وأعجبنى كثيرا ما تكتبه خاصةأننى أحس أن كل ما تكتبه محسوس أوى أوى :) أستمر يا أسكندرانى
السلام عليكم
جميل شغلك اوي يا اسكندراني وقصيدتك جامده جدا ..ان شاء الله المرات اللي جايه تتحفنا بشغلك ... ربنا يوفقك والي الامام
eskandarany ..
تسلم على الكلمات الرررررررررروعة
واقع مؤلم حزين ندعو الله ان يتغير
وفقنا الله لما فية الخير
مع خالص تحياتى
دى مصر منفضالك خالص
الاصحيح انت كنت عايز تصحيها ليه؟
اصحي يا مصر الناس نيمانة
فعلا يا اسكندرانى... بس مين يسمع
يلا كل سنة وانت طيب
تبقى غلبانة ازاي وفيها واحد بيكتب زيك
!!!!
لي مدونة أظن انها تستحق القراءة وهي تتحدث عن محاولة تسميمي وقتلي من قبل السي آي أيه وبأوامر من الشاذ كلنتون بمشاركة فاعلة من الحمار حسني الخفيف والأجهزة الأمنية المصرية الخائرة والعميلة
المدونة
http://www.494949.blogsome.com
اسم المدونة
Dirty and fucked clinton
test
Post a Comment