Monday, September 12, 2005

فتح عينك من غير ملبن

عارفين إيه المهم دلوقت بعد ما الفوز الكاسح لمبارك........... المهم إننا ما نروحش في النوم ونستنى انتخابات 2011 ..لأ ..المهم اننا ننسى الاسامي ونحاول نفترض الاحسن ونشوف ايه ح يتنفذ من برنامج الرئيس وايه مش! وبعدين نفضل وراه لحد ما يتنفذ أو تيجي سنة 2011 ايهما أقرب وده بجد عشان لو فضلنا في موضوع تزوير انتخابات ومسرحية الحزب ومين عمل ومين ما عملش برضه ح تيجي سنة 2011 واحنا زي ما أحنا ...........خللينا نكون عمليين أكتر وتعالوا نتابع ما سيحدث ونكون الرقيب الغلس على تنفيذ الوعود وجايز يكون بكرة احسن من امبارح .......الامل يا أخونّا الامل.
أنا عارف ان الناس ح تقول أمل إيه وبتاع إيه بس ده واقع ولازم نستغله لمصلحتنا ..يا إما ناخد حقوقنا وساعتها نقول للحزب شكراً وعفا الله عما سلف أو نكون جهزنا نفسنا ووضحنا الحقيقة للناس كلها ويبقى فيه 50 مليون واحد يصوت في الانتخابات الجاية مش 6 مليون حزب وطني. لازم نعترف ان التجربة جديدة علينا وان الناس لسة مش قادرة تحس بقيمة مشاركتها وده ماكنش ح يتحقق المرة دي بأي حال بس ممكن يكون المرة دي بداية انه يتحقق المرة الجاية عشان كده مش عايزيين نفرط في الوقت ونستغله جداً والميه تكدب الغطاس بس المهم نعوم مش نلعب في الرملة ع الشط زي كل مرة

حد ح يراقب معايا .....حد ح يفكر عملي؟؟؟؟؟؟؟ بسم الله الهادي

17 comments:

KING TOOOT said...

ولا ً ألف سلامة و عودا ً حميدا ص يا باشا
و ثانيا ً أنا سعيد أنى اكون أول المعلقين على الموضوع ده
أما بخصوص موضوع أننا نكون مراقبين فأنا الحقيقة مش فاهم يعنى أنت عايزنا نراقب أزاى ؟ يعنى مثلا ً لو لقيت محافظ بيعمل حاجة غلط أو لقيت أن الشباب ما أشتغلوش ولا حاجة , تفتكر ممكن أعمل أيه يعنى
أقف أحدف القصر الجمهورى بالطوب مثلا ً ؟
أقف وسط الشارع و أصوت فى الناس كلها و أقول لهم ألحقونا الوعود ما أتحققتش ؟
أكنس على الحكومة السيدة زى ما كفاية عملت ؟
يعنى السؤال لو لقينا أن الوعود أللى فى برنامج الأنتخابات بتاع مرشح الحكومة ما أتنفزتش , ساعتها نعمل ايه يعنى ؟
ولا حانراقب و نحرق دمنا و بس و ما نعملش حاجة غير كده ؟
نورونا ربنا يزيدكم من نور العلم يا رب
و يجعله عامر
KING TOOOT

eskandarany said...

شوف يا سيدي ... الموضوع مش انك تكون زي ما أنت بتقول الموضوع ان احنا كدة كدة بنراقب بس المطلوب تركيز اكتر يعني بما ان الناس بدأت تبص علينا وتتابع اللي احنا بنكتبوا ...يبقى نستغل ده في اننا نظهر الامور اللي ضد مصالحنا ونكود أداة ضغط ولو صغيرة عشان يكون لينا دور مش بس كلام. يعني خد عندك ..برنامج الحزب موجود وواضح يبقى نحاول نشوف أي حاجة بتحصل خلاف ما ورد ونفضحها عندي وعندك وعند كل البلوجات الصديقة ومن هنا يبقى بنعمل حاجة بجد للناس حتى ولو ماحدش رد علينا بس يبقى عملنا اللي علينا. ويا سيدي لو عندك أفكار تانية قولها ....أنا عايز استغل حماسنا كلنا ده بشكل ايجابي ولاسيما اننا متشافيين دلوقت والناس متعاطفة معانا وبتشاركنا الاحداث...وبرضه يجعله عامر يا سيدي

KING TOOOT said...

أسكندرانى
شوف يا باشا ,, أولا ً أنا حسيت من كلامك أنك حاسس أن لهجة التعليق بتاعى كانت قاسية و فيها هجوم ,, و ده حقيقى ,, بس الحقيقة الهجوم ماكنتش أنت السبب فيه ,, لكن أنا كنت متغاظ من نتيجة الأنتخابات و علشان كده كنت بأكتب و أنا مفقوع و محروق دمى أنما الهجوم ماكانش يقصد أبدا ً شخصك الكريم لأنى بأعزك و أقدرك بجد ,, و أعتقد أنك عارف الموضوع ده
أما بخصوص موضوع أننا نكون أيجابيين أنا معاك قلبا ً و قالبا ً و بأعتذر للمره الثانية عن الهجوم الضارى الغير مقصود
بس جت فيك بقى معلش
هههههههههههههههههه
KING TOOOT

eskandarany said...

العوفو يا سيدي أنا عارف أنك ما تقصدش وعشان كده كنت حابب اوضح اللي قولته يمكن أكون ما عرفتش اوصله كويس ....... وتحيا مصر

sydalany-وش مكرمش said...

المشكلة يا عم إسكندراني مش ف اللي إحنا حنعمله

المشكلة ف اللي حيتعمل فينا

مش ملاحظ إن جمال مبارك بدأ يظهر ياما

الشعب ممكن يتبرمج بسهولة و أكبر دليل على ده التجربة السورية

KING TOOOT said...

صيدلانى أثار نقطة من أخطر ما يمكن
صحيح أيه ممكن يحصل لو الشعب أللى نصفه أمى و يجهل القراءة و الكتابه أتبرمج و خضع لعملية تظبيط تمام التمام
ساعتها يا باشا حاتبقى خلصت
KING TOOOT

Haitham said...

والله أنا معاك .. أنا من ساعة تعديل الدستور بعد ضغط الشعب قلت هى انتخابات 2011 اللى هيبقى فيها كلام ومنافسة .. بس مش لازم نقف نستنى لغاية 2011

Haitham said...

والله أنا معاك .. أنا من ساعة تعديل الدستور بعد ضغط الشعب قلت هى انتخابات 2011 اللى هيبقى فيها كلام ومنافسة .. بس مش لازم نقف نستنى لغاية 2011

Haitham said...

والله أنا معاك .. أنا من ساعة تعديل الدستور بعد ضغط الشعب قلت هى انتخابات 2011 اللى هيبقى فيها كلام ومنافسة .. بس مش لازم نقف نستنى لغاية 2011

Haitham said...

والله أنا معاك .. أنا من ساعة تعديل الدستور بعد ضغط الشعب قلت هى انتخابات 2011 اللى هيبقى فيها كلام ومنافسة .. بس مش لازم نقف نستنى لغاية 2011

Haitham said...

والله أنا معاك .. أنا من ساعة تعديل الدستور بعد ضغط الشعب قلت هى انتخابات 2011 اللى هيبقى فيها كلام ومنافسة .. بس مش لازم نقف نستنى لغاية 2011

Haitham said...

والله أنا معاك .. أنا من ساعة تعديل الدستور بعد ضغط الشعب قلت هى انتخابات 2011 اللى هيبقى فيها كلام ومنافسة .. بس مش لازم نقف نستنى لغاية 2011

Haitham said...

والله أنا معاك .. أنا من ساعة تعديل الدستور بعد ضغط الشعب قلت هى انتخابات 2011 اللى هيبقى فيها كلام ومنافسة .. بس مش لازم نقف نستنى لغاية 2011

Haitham said...

والله أنا معاك .. أنا من ساعة تعديل الدستور بعد ضغط الشعب قلت هى انتخابات 2011 اللى هيبقى فيها كلام ومنافسة .. بس مش لازم نقف نستنى لغاية 2011

Haitham said...

والله أنا معاك .. أنا من ساعة تعديل الدستور بعد ضغط الشعب قلت هى انتخابات 2011 اللى هيبقى فيها كلام ومنافسة .. بس مش لازم نقف نستنى لغاية 2011

Haitham said...

والله أنا معاك .. أنا من ساعة تعديل الدستور بعد ضغط الشعب قلت هى انتخابات 2011 اللى هيبقى فيها كلام ومنافسة .. بس مش لازم نقف نستنى لغاية 2011

eskandarany said...

maurice, thanks for visiting my blog but do u have 1...if yes please give me ur blog

wesley
u also thanks and I need yours