Wednesday, June 29, 2005

كوندوليزا

خطوة عزيزة يا كوندوليزا
مبعوثة الوالي الهمام
يا فايتة منغير حتى فيزا
ودايسة على الراس والمقام


فرحنا لما قالولنا جاية
كنسناهالك رشينا مية
والكل وطى باس واستغطى
حتى المعارضة حيوا المدام

دستور يا حراس القام

الخطة ماشية زي الاوامر
ح نشيل حمادة ونحط تامر
ولو حد فكر أو حتى غامر
ح نسد بقه من غير كلام

دستور يا حراس القام

دستورنا لازم ح ندرسوا
ح نقللعوا ونلبسوا
والشعب لو ثار نحبسوا
ونهرسوا تحت الترام

واهو نبقى خففنا الزحام

دستور يا حراس القام

والشعب حر يهتف ينادي
واحنا طبيعي لازم ندادي
واما تشاوري ح نجيب مغاوري
ونلم فيهم زي الحمام

ونعيش سعادة ونعيش سلام


أصحوا يا حراس المقام
أصحوا يا حراس المقام


اسكندراني - يونيه 2005
Posted by at

4 comments:

Anonymous said...

ana khayfa awy 3ala masr.....

29 June, 2005 15:49
sydalany-وش مكرمش said...

عاوزك تعملي
add on yahoo messenger or msn
mine is
sydalany@hotmail.com
sydalany@yahoo.com

عشان بينا كلام

23 July, 2005 15:03
... said...
This comment has been removed by a blog administrator.
26 July, 2005 00:21
KING TOOOT said...

ممتاااااااااااااازة يا معلم يا كبير قوىىىىىىىى
دا أنت جامد بقى و أحنا ما كنّاش عارفيين
الحمد لله أن لسه فيه شعراء زيك فى البلد دى بيكتبوا أحاسيس مش تهجيص
KING TOOOT
kingtooot.blogspot.com

29 July, 2005 16:48

Post a Comment

Subscribe to: Post Comments (Atom)