لو تضرب دنيتنا وتقلب
أو تولع فيها وإيه يعني
لو تغرق أحلامنا ف مركب
أو حوت يبلعها وإيه يعني
******
إيه يعني ح يتغير فينا
أو حتى ح يفرق ويجيينا
لا القرد ح يتجوز نملة
ولا حد ح يقدر ينفعني
******
متشائم انا سلبي كمان
خايف متوتر وجبان
أنا حر يا سيدي ولا مؤاخذة
لو باكل عندك امنعني
******
وعموما انا ح امشي بعيد
مبسوط ومزقطط وسعيد
لو شوفتني واقع ف جهنم
مش عايزك تييجي تطلعني
راح أموت؟؟ طيب إيه يعني
مايو 2005
2 comments:
هاتموت موتة يا غلبان
هتشوف العذاب الوان
بس لما تروح البيت
هتلاقي الشبشب مستنيك
Gameel awee elly byet2aal da:D
raghda
Post a Comment