ماعدناش نقبل نخاف ماعدتش الكلام بحساب
علمونا ف الثورة ان الأمل له باب
يا تمد ايدك تفتحه يا تزحزحه حبة
يمكن يفوت الأمل ويجمع الأحباب
علمونا ف المسيرة إن الهتاف واصل
مهما يعلو السور الشعب متواصل
يا مسجونين ف القصور احنا اللي ساجنينكم
واحنا اللي ح ندينكم وكل شيئ بحساب
علمونا في المدرسة نرسم في بابك حرس
وف حضن ميادينك نفطر آذان وجرس
واللي يشوف ناسك من قهرته يتفرس
وامام عظمتك ينحني بمنتهى الإعجاب
ما عدتش فيه عندي غير إني أعيش ليكي
ازرع ف حضنك ورد وبشهده اسقيكي
و اشيل سواد القلم والحزن ف عنيكي
تطرح عيونك امل ويطمن الأحباب
ماعدتش نقبل نخاف ماعدتش الكلام بحساب
- 27 يوليو 2013
No comments:
Post a Comment